Дэлхийн эрүүл мэндийн байгууллага, НҮБ-ын Хүнс, хөдөө аж ахуйн байгууллага, Мал амьтны эрүүл мэндийн байгууллага хамтран бичил биетний тэсвэржилттэй дэлхий нийтээр тэмцэхийг уриаллаа.
Сүүлийн жилүүдэд бичил биетний тэсвэржилтээс шалтгаалан нян, вирус, мөөгөнцөр, шимэгчээр үүсгэгдсэн халдварыг эмчлэхэд улам бэрхшээлтэй болж, өвчний тархалт нэмэгдэх, өвчин хүндэрч улмаар амь насанд аюул тулгарах нөхцөлүүд бий болж байна.
Иймд жил бүрийн 11 дүгээр сард “Бичил биетний тэсвэржилтээс сэргийлэх” дэлхийн 7 хоногийн аян болдог бөгөөд манай улс 7 дахь жилдээ энэ аянд нэгдэж “Мэдлэгийг түгээе, тэсвэржилтийг зогсооё” уриатай оролцож байна